बिडिसिए कप क्रिकेट सुरु, निंगलाशैनी, त्रिपुरा र पञ्चकोटी क्रिकेट क्लवको विजयी सुरुवात

द्वारा : सुदुर न्युज
0

बैतडी,२५ चैत-

बैतडीमा आजदेखि बिडिसिए कप टि–ट्वान्टी क्रिकेट प्रतियोगिताको १७ औं संस्करण सुरु भएको छ ।

निंगलाशैनी खेल मैदान देहिमाण्डौंमा आज भएको पहिलो खेलमा निंगलाशैनी क्रिकेट क्लव (एनसिसि)ले विजयी सुरुवात गरेको छ ।

एनसिसिले ग्वाल्लेक क्रिकेट क्लवलाई ८ विकेटले पाखा लगाउदै प्रतियोगितामा सुखद सुरुवात गरेको हो । टस हारेर ब्याटिंगको निम्ता पाएको ग्वाल्लेकले पिताम्वर जोशीको सर्वाधिक २८ रनको मद्दतमा ९६ रनमा समेटियो ।

ग्वाल्लेकको पारी ध्वस्त पार्ने क्रममा एनसिसिका दिपक बोहराले सर्वाधिक ३ विकेट हात पारे । ऋषिकेश बोहरा र शंकर महरले समान २/२ विकेट हात पारे ।

९७ रनको झिनो लक्ष्यका साथ मैदान उत्रेको एनसिसिले ११ दशमलव ४ ओभरका २ विकेटको क्षतीमा विजय लक्ष्य हासिल गर्यो । उसका लागी म्यान अफ द म्याच दिपक बोहराले ४० रनको योगदान गरे भने दिपेन्द्र बोहरा ४६ रनमा अविजित रहे । ग्वाल्लेकका पिताम्वर जोशी र राम चन्दले एक एक विकेट लिए ।

उता बुढ्ढाबाजे क्रिकेट मैदान रातामाटामा भएको खेलमा त्रिलोचन क्रिकेट क्लवलाई ३ विकेटले पराजित गर्दै पञ्चकोटी क्रिकेट क्लव विजयी भएको छ । टस हारेर पहिला ब्याटिंग गरेको त्रिलोचनले ९७ रन बनाएको थियो । ९८ रनको लक्ष्य पञ्चकोटीले १४ दशमलव ४ ओभरमा ७ विकेटको क्षतीमा पुरा गर्यो । बैतडी जिल्ला क्रिकेट संघको आयोजनामा सुरु प्रतियोगितामा १६ टोली सहभागी छन् ।

प्रतियोगितामा प्रथम पुरस्कार ३० हजार, द्वितीय पुरस्कार २० हजार नगद,ट्रफी र प्रमाणपत्र राखिएको छ । यस्तै प्रतियोगितामा उत्कृष्ट प्रदर्शन गर्ने एक खेलाडीलाई ५ हजार नगद ट्रफी र प्रमाणपत्र पुरस्कार पाउनेछन् ।

बैशाख ३ गतेसम्म सञ्चालन हुने प्रतियोगिताको कुनै खेल कारणबस अवरुद्ध भएको खण्डमा दुवै टोलीलाई समान १/१ अंक दिईने बैतडी जिल्ला क्रिकेट संघका कोषाध्यक्ष खेमराज भट्टले जानकारी दिनुभयो ।
बिडिसिए कप क्रिकेट प्रतियोगिताले बैतडीमा क्रिकेटको विकास हुने विश्वाश गरिएको छ ।

फोटो- बिनोद बिष्ट/बैतडी टुडे

0

सम्बन्धित् समाचारहरु

टिप्पणी गर्नुहोस

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy