समूह चरणका अन्तिम दुई खेल 

द्वारा : सुदुर न्युज
0
८ माघ–
बैतडीमा जारी प्रथम मेयरकप क्रिकेट प्रतियोगिता अन्तर्गत आज समूह चरणका अन्तिम २ खेल हुने भएका छन् । समूह“डी”मा रहेका दशरथचन्द नगरपालिका वडा नम्वर ३ दुर्गाभवानी र वडा नम्वर ६ थालीगडा आमनेसामने हुने भएका छन् । बुड्डा बाजे क्रिकेट मैदान, रातामाटामा उक्त खेल बिहान ९ बजे सुरु हुने भएको छ । दोस्रो खेलमा पनि मध्यान्ह १२ बजेपछी यी दुवै टोली भिड्नेछन् । विजेता टोलीले सेमिफाईनलमा स्थान सुरक्षित गर्नेछ । यसअघि समूह “ए”बाट देहिमाण्डौं, समूह “बी”बाट खलंगा र समूह “सी”बाट ग्वाल्लेक सेमिफाईनल पुगिसकेका छन् ।
शहीद दिवसको अवसरमा दशरथचन्द नगरपालिकाको आयोजना र बैतडी जिल्ला क्रिकेट संघ , नगर क्रिकेट समितिको प्राविधिक सहयोगमा प्रतियोगिता सञ्चालन भईरहेको हो । टि ट्वान्टी फरम्याटमा भईरहेको प्रतियोगितामा प्रथम पुरस्कार ५० हजार, द्वितीय पुरस्कार ३० हजार र म्यान अफ द सिरीज १ जनालाई ५ हजार नगद, ट्रफी र प्रमाणपत्र राखिएको छ । माघ १० गतेसम्म सञ्चालन हुने प्रतियोगितामा दशरथचन्द नगरपालिकाका ११ टिमको सहभागिता रहेको छ । माघ ३ गतेदेखि सुरु भएको मेयरकप क्रिकेट प्रतियोगिताले बैतडीमा क्रिकेटको विकास हुनुका साथै नगरभित्र रहेका क्रिकेटका नयाँ प्रतिभाको खोजी गर्न सहयोग मिल्ने विश्वास गरिएको छ ।

Src Radio Ninglashaini

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy