जिल्ला प्रशासनमा सार्वजनिक शान्ति विरुद्धको कसुरका मुद्दा बढे

द्वारा : सुदुर न्युज
0

रुकुम , कार्तिक १४, २०७५ ।

पछिल्लो समय जिल्ला प्रशासन कार्यालयमा दर्ता हुने सार्वजनिक शान्ति विरुद्धको कसुरका मुद्दा बढेका छन् ।

चाडपर्वको समयमा घटना बढि हुने र नयाँ फौजदारी संहिताले समेत यस प्रकृतिका घटनालाई कडाई गरेकोले मुद्दा बढेका हुन् ।

जिल्ला प्रशासन कार्यालय रुकुम पश्चिमका अनुसार नयाँ फौजदारी संहिता लागु भएदेखि हालसम्म मात्र ९ मुद्दा दर्ता भएका छन् ।

विगतका वर्षहरुमा सार्वजनिक अपराध सम्बन्धी मुद्दाहरुमध्ये पनि केही अदालत र केही प्रशासनमा दर्ता गर्ने भएपनि नयाँ व्यवस्था अनुसार थप गरिएको सार्वजनिक शान्ति विरुद्धको कसुर र सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर तथा जुवा खेल्ने खेलाउने लगायतका शीर्षकले थुपै घटनालाई समेट्ने भएकोले मुद्दा बढेको जिल्ला प्रशासन कार्यालय रुकुम पश्चिमका खरिदार देवबहादुर ओलीले बताउनुभयो ।

चाडपर्वको समयमा मादकपदार्थ सेवनले घरेलु हिंसाका केही घटनाहरु बढेको प्रमुख जिल्ला अधिकारी शम्भुप्रसाद रेग्मीले बताउनुभयो ।

पछिल्लो समय सुरक्षा व्यवस्था कडाई गरेकोले चोरीका घटनाहरुमा भने उल्लेख्य मात्रामा कमी आएको उहाँको भनाई छ ।

तवर्षको अभिलेखबाट सरी आएका सहित यस आर्थिक वर्षमा ८ वटा मुद्दा जिल्ला प्रशासन कार्यालयबाट फैसला भईसकेको र अब ३६ मुद्दा फैसला हुन बाँकी रहेको जिल्ला प्रशासन कार्यालय रुकुम पश्चिमले जनाएको छ ।

पहिलेको तुलनामा अहिले मुद्दा फछ्र्यौट छिटो गर्ने गरिएको प्रजिअ रेग्मीले बताउनुभयो ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy