चिकित्सकको नाटकिय अपहरणले प्रहरीलाई रातभर हैरानी

द्वारा : सुदुर न्युज
0

सिराहा , आश्विन १०, २०७५ ।

हिजो रातभर अपहरणमा परेका भनिएका एक चिकित्सकका कारण प्रहरीले हैरानी खेप्नु परेको छ ।

लहानबाट चिकित्सक सुवास बनैता यादवलाई साँझ अज्ञात समूहले अपहरण गरेको भनिएको थियो। तर, उनको सर्लाहीको नवलपुरबाट उद्दार भैसकेको प्रहरीले जनाएको छ ।

अज्ञात समुहले गाडीमा हालेर अपहरण गरेको भनि यादवको श्रीमतीले प्रहरीसमक्ष बताए पनि यादव म २ प ८२८६ नम्बरको मोटरसाइकलमा भेटिएपछि उनले नाटक मन्चन गरेको खुलेको थियो ।

श्रीमतीसँगको झगडाका कारण यादवले अपहरणको नाटक गरेको खुलेको छ ।

यादवले अपहरणमा परेको भनेर मोटरसाइकलमा आफुखुसी गएको प्रहरी अनुसन्धानका क्रममा खुलेको सिराहाका एसपी जीवन श्रेष्ठले बताए।

प्रहरीले अपहरणको नाटक गर्ने यादव र उनका सहयोगी प्रेम बमलाई नियन्त्रणमा लिइ अनुसन्धान शुरु गरेको छ ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy