विराटनगर, भाद्र २६, २०७५ ।
विराटनगर वसपार्क नजिकै आज भएको सवारी दुर्घटनामा एक महिलाको मृत्यु भएको छ ।
विराटनगरबाट जोगवनीतर्फ गईरहेको को ५ प ३२०० नम्बरको मोेटरसाइकलमा पछाडि सवार रंगेली नगरपालिकाकी ३० बर्षीया आंशु अग्रवालको भारतीय ट्रकको ठक्करबाट मृत्यू भएको हो ।
दुर्घटनामा सोही मोटरसाइकलमा सवार अन्य दुई जना घाईते भएका छन ।
घाईते हुनेमा मृतक महिलाका श्रीमान मनोज अग्रवाल र ६ वर्षीया छोरी अनिशा अग्रवाल रहेको मोरङ प्रहरीले जनाएको छ ।
घाईते मनोजको विराट नसिङ होममा र बालिकाको सप्तकोशी नसिङ होममा उपचार भईरहेको जनाइएको छ ।
मोटरसाइकललाई ठक्कर दिने एच.आर ५५ एल १४१९ नम्बरको भारतीय मालबहाक ट्रकका चालक भारत अलीगढका ३० वर्षीय कमल सिंहलाई प्रहरीले नियन्त्रणमा लिएको छ ।
