मोरङ, भदौ १८ ।
मोरङको कानेपोखरी गाउँपालिकामा आइतबार डुबेर दुई बालकको मृत्यु भएको छ । एउटाको खोलामा बगेर मृत्यु भएको हो भने एउटाको पोखरीमा डुबेर मृत्यु भएको हो ।
कानेपोखरी गाउँपालिका–७ स्थित चिसाङ खोलाले बगाएर सोही ठाउँका श्याम दर्जीका छ वर्षीय छोरा रेशम दर्जीको मृत्यु भएको हो भने बिहान घरबाट हराएका दर्जीको खोजी गर्ने क्रममा बेलुका खोलाको बीचमा अड्किएको अवस्थामा शव भेटिएको इलाका प्रहरी कार्यालय पथरीले जनाएको छ ।
त्यस्तै कानेपोखरी गाउँपालिका–३ मा आफ्नै घरको माछा पोखरीमा डुबेर विशाल राईको दुई वर्षीय छोरा अभि राईको मुत्यु भएको प्रहरीले जनाएको छ।
