फोहोर विर्सजन गर्न आएको ट्रिपरले ठक्कर दिँदा स्थानियको मृत्यु

द्वारा : सुदुर न्युज
0

नुवाकोट, भाद्र ११, २०७५ ।

नुवाकोटको ककनी गाउपालिका वडा नं १ को महालक्ष्मीमा सोमबार विहान फोहोर बोकेको ट्रिपरले ठक्कर दिँदा एक व्यत्तिको मृत्यु भएको छ ।

मृत्यु हुनेमा नुवाकोट ओखरपौवाका पदम बलामी रहेको जिल्ला प्रहरी कार्यलय नुवाकोटले जनाएको छ ।

राजधानीबाट नुवाकोटको ओखरपौवा सिसटोलतर्फ आउँदै गरेको बा २ ख ६११८ नं. को फोहोर बोकेको ट्रिपरले बलामीलाई ठक्कर दिएको हो ।

ठक्कर दिएपछि उनको घटनास्थलमै मृत्यु भएको जिल्ला प्रहरी कार्यलय नुवाकोटले जनाएको छ ।

घटनापछि ट्रिपर चालक फरार रहेको जिल्ला प्रहरी कार्यलय नुवाकोटका प्रहरी प्रमुख वसन्त,  कुवरले बताए ।

घटनालगतै स्थानियवासील घटनामा संलग्न ट्रिपर चालकलाई कारवाही गर्न र पिडित पक्षलाई उचित क्षतिपुर्तिको माग गर्दै फोहोरको गाडी र सडक समेत अवरुद्ध गरेका छन ।

स्थानियवासीले बारम्बार ओखरपौवामा यस्तो दुर्घटना बढिरहेको भन्दै फोहोरको समेत फाल्न नदिने बताएका छन ।

स्थानियले घटनामा संलग्न र दोषीलाई कारवाहीको माग गर्दै सडक समेत अवरुद्ध गर्नाले यात्रुहरु समेत मर्कामा परेको ककनी गाउँपालिकाका अध्यक्ष मानवहादुर घलेले बताए ।

घटनाको विषयलाई लिएर सर्वपक्षिय बैठक बसेपनि यो समाचार तयार पार्दासम्म भने वार्ता सफल हुन नसकेको जिल्ला प्रहरी कार्यलय नुवाकोटले बताएको छ ।

घटनामा संलग्न ट्रिपर चालक भागेको हुनाले घटनाको वृष्तृत विवरण आउन बाँकी रहेको जिल्ला प्रहरी कार्यलय नुवाकोटले जनाएको छ ।

यसैबिच आइतबार साँझ पहिरोमा पुरिएर नुवाकोटको शिवपुरी गाउँपालिकामा एक बालकको मृत्यु भएको छ ।

शिवपुरी गाउँपालिका वडा नं ६ का लोकबहादुर तामाङका नौ वर्षीय छोरा अर्पण तामाङको पहिरोले पुरेर मृत्यु भएको जिल्ला प्रहरी कार्यालयका प्रहरी नायब उपरीक्षक भीमलाल भट्टराईले समाचारपत्र दैनिकलाई बताए ।

गोठालो गएका अर्पणलाई स्थानीय च्यानडाँडाको खोल्सामा माथिबाट पहिरो खसेर पुरेको जिल्ला प्रहरी कार्यलय नुवाकोटले जनाएको छ ।

उनको घटनास्थलमै मृत्यु भएको हो ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy