ठगी मुद्धाका फरार व्यक्ति पक्राउ, बैंकको कर्मचारी हु भन्दै ५ लाख ठगी पछी फरार

द्वारा : सुदुर न्युज
0

काठमाडौं, २२ जेठ,

ठगी मुद्धामा काठमाडौं जिल्ला अदालतको २०७३ जेठ १० गतेको फैसलाले १ वर्ष कैद र ४ लाख ५८ हजार रुपैयाँ जरिवाना हुने ठहरेकोमा उक्त कैद तथा जरिवानामध्ये ९ महिना कैद र ४ लाख ५८ हजार रुपैयाँ बेरुजु रही फरार रहेका काठमाडौँ चन्द्रागिरी नगरपालिका-७ थानकोट बस्ने धादिङ छत्रेदेउराली सिरानचौरका ३० बर्षीय राजेन्द्रप्रसाद लुइटेललाई सोमबार प्रहरीले पक्राउ गरेको छ ।

महानगरीय प्रहरी अपराध महाशाखाबाट खटिएको प्रहरी टोलीले लुइटेललाई काठमाडौँ महानगरपालिका-१३ कलंकीबाट पक्राउ गरेको हो । प्रहरीले लुइटेललाई फैसला कार्यान्वयनको लागि मंगलबार काठमाडौं जिल्ला अदालतमा पठाएको छ ।

लुइटेलले आफु राष्ट्रिय बाणिज्य बैंक लिमिटेड सिंहदरवारको ऋण अधिकृत रहेको भनी जाहेरवाला कृष्णप्रसाद भट्टराईको मोरङमा रहेको जग्गा धितो राखी १ करोड ऋण दिलाई दिन्छु भनी पटक पटक गरी ४ लाख ५८ हजार रुपैयाँ ठगी गरेका थिए ।

0

सम्बन्धित् समाचारहरु

टिप्पणी गर्नुहोस

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy