विवादसँगै सुरु भएको प्रदेश २ को बैठक सम्पन्न, दोस्रो बैठक माघ २९ गते

द्वारा : सुदुर न्युज
0
जनकपुर, २१ माघ,

प्रदेशसभा सभामुखको चुनाव आगामी फागुन २ गते गर्ने तयसहित प्रदेश नम्बर २ को बैठक सम्पन्न भएको छ ।

आइतबार जनकपुरधाममा सम्पन्न पहिलो प्रदेशसभा बैठकले माघ २९ गते दोस्रो बैठक आह्वान गर्दै फागुन २ गतेका लागि सभामुखको निर्वाचनको मिति तोकेको हो ।

बैठकको सुरुवातमै प्रदेश सभा हलमा मधेस आन्दोलनका शहीदको तस्बिर नराखेको भन्दै राजपाका सांसदहरुले विवाद गरेका थिए । पहिलो बैठकको सभामुखको भूमिका ज्येष्ठ सदस्य लगनलाल चौधरीले निर्वाह गरेका थिए । ७६ वर्षीय चौधरी सिरहा निर्वाचन क्षेत्र नं १ (क)का एमाले विधायक हुन् ।

बैठकमा पहिलो सम्बोधन संघीय फोरमका सांसद लालबाबु राउतले गरेका थिए । सम्बोधनका क्रममा उनले आन्दोलित वीरगञ्जलाई पनि चित्त बुझ्ने गरी निर्णयहरु गरिने प्रतिबद्धता व्यक्त गरे ।

प्रदेश नं २ मा संघीय समाजवादी फोरम, राजपा, एमाले, काँग्रेस र माओवादी गरी पाँच राजनीतिक दलका नेताको प्रतिनिधित्व रहेको छ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy