२२ वर्षदेखि बन्द मझगाउँ विमानस्थल पुनः निर्माण गर्न शिलान्यास

द्वारा : सैलेश बोहरा

कञ्चनपुर: २०७८ पुष 

संस्कृति पर्यटन तथा नागरिक उड्डयन मन्त्री प्रेम आलेले मझगाउँ विमानस्थलको शिलान्यास गरेका छन्। बुधबार मन्त्री आलेले विमास्थलमा भौतिक संरचना निर्माणका लागि शिलान्यास गरेका हुन्।

शिलान्यास भएसँगै २२ वर्षदेखि बन्द कञ्चनपुरको मझगाँउ विमानस्थल निर्माण कार्य अगाडि बढने भएको छ। विमानस्थल निर्माणका लागि नेपाल नागरिक उड्डयन प्राधिकरणले केएस कान्छाराम कन्ट्रक्सनसँग ठेक्का सम्झौता गरेको छ। विमानस्थलका भौतिक संरचना र धावनमार्ग बनाउन प्राधिकरणले रु दुई करोड ५१ लाख बजेट विनियोजन गरेको मझगाउँ विमानस्थल पुनः सञ्चालन समितिका संयोजक रमेशचन्द ठकुरीले बताएका छन्। 

विमानस्थल निर्माणमा पर्यटन मन्त्रालयको ५०, प्रदेश सरकारको २५, भीमदत्त नगरपालिकाको १५ र दोधाराचाँदनी नगरपालिकाको १० प्रतिशत गरी ४५ करोड ६६ लाख ७१५ रकम व्यहोर्ने सहमति यस अघिनै भएको छ। विमानस्थलको लम्बाइ एक हजार ६६२ मिटरको रहने छ भने, ६६ बिघा जमिनमा विमानस्थल रहने बताइएको छ। 

२०३० सालदेखि सञ्चालमा आएको मझगाउँ विमानस्थल सुरक्षाको कारण देखाउँदै २०५६ सालमा बन्द भएको थियो।(स्रोत-दिनेश खबर)

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Social Media Auto Publish Powered By : XYZScripts.com