क्वारेन्टिनमा करेन्ट लागेर महिलाको मृत्यु, राधा ओडको परिवारलाई कृष्णपुर नगरपालिकाले १० लाख दिने

द्वारा : सुदुर न्युज

कञ्चनपुर, साउन ३० ।

कृष्णपुर नगरपालिकाले क्वारेन्टिनमा करेन्ट लागेर मृत्यु भएकी महिलाको परिवारलाई सहयोग गर्ने भएको छ । मंगलबार कृष्णपुर ६ स्थित महाकाली माविको क्वारेन्टिनमा करेन्ट लागेर २३ वर्षिया राधादेबी ओडका परिवारलाई १० लाख सहयोग दिने भएको हो ।

नगरपालिका कार्यालयमा बिहीबार पीडित परिवार सहितको छलफलमा ओडकी १२ महिनाकी छोरी अनुको खातामा सहयोग रकम जम्मा गर्ने, ओडका श्रीमानलाई उनको योग्यताका आधारमा कार्यालयमा जागिर दिने सहमति गरेको कृष्णपुरका मेयर कर्णबहादुर हमालले जानकारी दिएका छन् ।

यसैगरी ओड परिवारलाई थप राहतका लागि प्रदेश र संघ सरकारसित पहल गर्ने तथा क्वारेन्टिन व्यवस्थापनको कमजोरी छानबिन समिति गठन गर्ने निर्णय गरिएको उनले बताए ।

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Social Media Auto Publish Powered By : XYZScripts.com