सेती नदीमा निर्माणाधिन झोलुङ्गे पुल भाँचिदा ३ जना घाईते

द्वारा : सुदुर न्युज
0

डोटी जेठ २२ ।

डोटीमा निर्माणाधीन झोलुङ्गे पुल भाँचिदा तीन जना घाइते भएका छ ।

जिल्लाको शिखर नगरपालिकाको गेरुपानि र दिपायल सिलगढी नगरपालिकाको बाँफी जोड्ने गरी सेती नदीमा निर्माण भइरहेको पुल भाँचीदा तीनजना कामदार घाइते भएको प्रहरीले जनाएको छ ।

घाइते मध्ये एक जनाको अवस्था गम्भीर रहेको छ ।

घाइते हुनेमा सुनसरीको औराहवनीका २४ वर्षीय दिलिपकुमार यादव, २० वर्षीय यवराज चौधरी र सोही स्थानका २२ वर्षीय सुकेत ऋषिदेव रहेका छन् ।

गम्भीर घाइते यवराज चौधरीलाई उपचारका लागि कोहलपुर रेफर गरिएको छ भने अन्य दुईजनाको शैलेश्वरी अस्पतालमा उपचार भइरहेको ईलाका प्रहरी कार्यालय दिपायलका प्रहरी नीरिक्षक दिलबहादुर कुवँरले बताए ।

निर्माणको अन्तीम चरणमा पुगेको पुलका लठ्ठा नकसिएका कारण टावर भाँचिएको हुनसक्ने अनुमान गरिएको छ । पुल खम्बाचो–सविना शेर्पा निर्माण सेवा प्रालि काठमाडौंले निर्माण गरिरहेको थियो ।

0

सम्बन्धित् समाचारहरु

टिप्पणी गर्नुहोस

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy