29.4 C
Mahendranagar
Friday, March 29, 2024
spot_img

भारतको बिहारका नागरीक नक्कली नागरिकताको आरोपमा पक्राउ, आफ्नै दाजुको नाम बाबुको ठाउमा

विराटनगर, जेठ ९ गते ।

किर्ते कागजका आधारमा एक जना भारतीय नागरिकले नेपाली नागरिकताको प्रमाणपत्र लिएकोमा त्यसको छानबिन गरी आवश्यक कारबाही गर्न माग गरिएको छ ।

भारत बिहार अररिया जिल्लाका ३५ वर्षीय मुजफ्फर हुसैनले किर्ते कागजका आधारमा रंगेली नगरपालिका–८ बाट २०७४ माघ १७ गते नेपाली नागरिकताको प्रमाणपत्र लिएको जनाएको छ ।

विभिन्न नक्कली कागजपत्र तयार गरी वडा कार्यालयका अध्यक्ष र सचिवलाई झुक्काएर उहाँले राज मियाँको नामबाट नागरिकता प्रमाणपत्रका लागि सिफारिस गराई नागरिकता लिएको सम्बन्धमा जिल्ला प्रशासन कार्यालय मोरङमा रंगेली नगरपालिका वडा नं– ८ का अध्यक्ष टंक आचार्यले लिखित रुपमा कारबाहीका लागि माग गरिएको आज यहाँ आयोजित पत्रकार सम्मेलनमा जानकारी दिइयो ।

भारत कुर्सकुट्टा डोवाबडी १३ घर भई रंगेली नगरपालिका–८, दर्बेसामा रहेको ठूलोबुबाको घरमा बस्दै आएका हुसैनले राज मियाँको नामबाट नागरिकता झुक्काएर लिएको उजुरी पत्रमा उल्लेख छ ।

हुसैनले आफ्नो जन्ममिति २०५४ साल भदौ २३ गते उल्लेख गरेका छन् । हुसैनले आफ्नो नागरिकतामा आफ्नो ठूलोबुबाको छोरा आनाबारुल मियाँलाई बाबु बनाएर नागरिकता सिफारिस झुक्काएर गराएको सम्बन्धमा विशेष सूचनाका आधारमा अध्यक्ष आचार्यले दुई हप्ता अगाडि जिल्ला प्रशासन कार्यालय मोरङमा कारबाहीको लागि निवेदन दिनुभएको हो ।

नेपाली नागरिक हो कि होइन भन्ने विषयमा स्थानीयवासीबाट सर्जमिन मुचुल्का बनाएपछि मात्र आफूले सिफारिस गरेको पनि उहाँले बताउनुभयो ।

उहाँले नागरिकता सिफारिश कार्यमा आफूले कुनै गल्ती नगरेको जवाफ दिँदै सक्कली नागरिकतासहित जिल्ला प्रशासन कार्यालयमा कारबाहीको लागि उजुरी दिएको स्पष्ट गर्नुभयो ।

हाल झुक्काएर नागरिकता लिने मियाँ इलाका प्रहरी कार्यालय रंगेलीमा मानव बेचबिखन र नक्कली नागरिकता मुद्दामा थुनामा छन् । (रासस)

Related Articles

Stay Connected

9,653प्रशंसकजस्तै
43अनुयायीहरूलाईपालन
69अनुयायीहरूलाईपालन
0सब्स्क्राइबरसब्स्क्राइब
- Advertisement -spot_img

Latest Articles