बाजुराको बडिमालिका नगरपालिका ९ को गैरीबजार नजिकै खेतमा भेटिएको बम नेपाली सेनाको डिस्पोजल टोलीले निष्क्रिय पारेको छ ।
स्थानीयले खेत जोत्ने क्रममा शुक्रबार बम देखेपछि प्रहरीलाई खबर गरेका थिए ।
शुक्रबार साँझ ५ बजे समरजीत गुल्मबाट गएको नेपाली सेनाको डिस्पोजल टोलीले बम निष्क्रिय गरेको जिल्ला प्रहरी कार्यलय बाजुराले जनाएको छ ।
उक्त स्थानमा पहिले नेपाली सेनाको ब्यारेक रहेकाले तत्कालीन समयमा राखिएको बम हुन सक्ने प्रहरीको अनुमान छ ।
