रेशम चौधरीले थाले जेलमै अनशन, शपथ लिन पाउनुपर्ने माग

द्वारा : सुदुर न्युज
0

धनगढी २० फागुन

कैलाली क्षेत्र नं १ बाट निर्वाचित सांसद् तथा टीकापुर घटनाका मुख्य आरोपी रेशम चौधरीसहित २४ जना बन्दीले कारागारमा अनशन सुरु गरेका छन् ।

‘चौधरीसहित टीकापुर काण्डमा पुर्पक्षका लागि थुनामा रहेका २४ जना अनशनमा बसेको जानकारी आएको छ ’ कैलाली प्रहरी प्रवक्ता प्रहरी नायप उपरीक्षक सागर बोहराले भने, ‘साँझ ५ बजेर ४० मिनेटदेखि उनीहरु अनशनमा बसेका हुन्’।

सांसद् चौधरीले संसदमा शपथ लिन पाउनुपर्ने, टीकापुर घटनाका सबै बन्दीलाई रिहाइ गर्नुपर्नेलगायतका माग राखी उनीहरु अनशनमा बसेको खबर आएको प्रहरी प्रबक्ता बोहराले जानकारी दिए ।

लामो समयदेखि फरार रहेका सांसद् चौधरीले गत १४ गते कैलाली जिल्ला अदालतमा आत्मसमर्पण गरेका थिए । कारागार प्रशासनले भने यस विषयमा अहिलेसम्म कुनै जानकारी दिएको छैन ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy