धनगढीका दैनिक जसो उडान रद्ध हुन थालेपछि हवाई यात्रु दोहोरो मारमा

द्वारा : सुदुर न्युज
0

धनगढी माघ १६
आईतवार नेपाल बायुसेवा निगमको विमानबाट धनगढी आउदै गर्दा बाटोमै मौसम विग्रीएपछि नेपालगञ्ज अवतरण गराईनुभएका महेन्द्रनगरका श्याम चन्दले दोहोरो रकम खर्च गर्नुपर्‍यो । धनगढी विमानस्थलमा कम भिलिविलीटीमा समेत जहाज अवतरण गर्न सकिने भीओर/डिएमई उपकरण जडान नभएपछि धनगढी विमानस्थलमा अवतरणका लागी ५ मिनेट मात्रै बाँकी रहेका बेला मौसम विग्रीयो भन्दै टिकापुरको आकासबाट विमान फर्काएर नेपालगञ्ज अवतरण गराईएको हो ।

यो हिउदमा धेरै उडान रद्ध भएपछि यात्रुहरुले समस्या झेल्नु परेको छ । आईतवार दिउसो मौसम सफा भएको भन्दै बुद्ध एयरको विमान काठमाडौबाट धनगढीका लागी उड्यो र धनगढी विमानस्थलमा अवतरण पनि भयो । तर केहि समयपछि काठमाडौबाट उडेको नेपाल एयरलाईन्सको विमान भने अवतरण हुन ५ मिनेट बाँकै रहँदै मौसम विग्रीएपछि नेपालगञ्ज अवतरण गराईएको हो । हिउदमा मौसम विग्रीरहने भएकाले धेरै दिन उडान रद्ध गर्नुपरेको नेपाल वायु सेवा निगम धनगढीका प्रमुख जनक विष्टले बताउनुभयो ।

विमानस्थलमा लामो समय सम्म कुरेर अन्तमा मौसम विग्रीएको भन्दै उडान रद्ध गर्ने परिपाटी नै बसीसकेको छ । जस्ले गर्दा यात्रुहरुले बेर्थैमा समय खेर फाल्नु पर्ने बाध्यता बनेको छ भने खर्चपनि बढ्ने गरेको छ । कम भिजीवीलिटीमा पनि उडान भर्न सकिने उपकरण तत्लकाल जडान गरेर समस्या समाधान गरीनुपर्ने बुद्ध एयरका उडान सञ्चालन प्रवन्धक शुवर्ण खरेलले बताउनुभयो ।

जापान अन्तराष्ट्रिय सहयोग नियोग जाइकाले उपकरण जडान गर्नका लागि पटक–पटक जग्गा मागगर्दै आएकोमा जग्गा अधिग्रहणको कार्य सम्पन्न नभएकाले अत्याधुनिक उपकरण जडानको काम धकेलिदै गएको छ । दुई जना जग्गा धनी यादव प्रशाद जोशी र जयवहादुर भण्डारीले जग्गाको मुआब्जामा चित्त नबुझेको भन्दै गृह मन्त्रालयमा मुद्धा हालेका कारण जग्गा अधिग्रहणको कार्य रोकीएको छ भने जग्गा नभएकै कारण कम भिलिविलीटीमा जहाज अवतरण गर्न सकिने भीओर/डिएमई उपकरण जडानको प्रक्रिया पनि सुरु हुन सकेकोे छैन् । जग्गा अधिग्रहणको कार्य सकिए पछि पनि उपकरण जडानका सबै प्रक्रिया पुरा गरी जडान गर्न ६ महिना जति समय लाग्ने भएकाले अर्को हिउदमा पनि यस्तै समस्या आउने आसंका गरीएको छ ।

विमानस्थलले दिएको जानकारी अनुसार अहिले धावनमार्ग खोल्नका लागि आँखाले हेरेर ५ किलोमिटरको ‘भिजिविलिटि’ चाहिन्छ भने भिओर/डिएमई जडान भएपनि त्यो समस्याको अन्त हुनेछ । ति दुई यन्त्र जोडेपछि ५ किलोमिटरको ठाउँमा १६ सय मिटर सम्म ‘भिजिविलिटि’ भए उडान अवतरणको अनुमति दिन सकिने छ । तर दुई जनाले मुद्धा हालेपछि अहिले जग्गा अधिग्रहणको कार्य नै रोकीएकाले अर्को हिउद सम्म पनि कम भिजीविलीटीमा उडान भर्न सक्ने उपकरण जडान हुनेमा आसंका व्यक्त गरीएको छ ।

मुआव्जामा चित्त नवुझेपछि २ जना जग्गाधनीहरुले मुद्धा हालेका हुन् । मुद्धाकै कारण खराव मौसममा पनि उडान भर्न सकिने उपकरण जडान नहुँदा यात्रुहरुले सास्ती बेहोर्न परेको छ । त्यसैले यो समस्याको तत्काल समाधान गरी उपकरण जडानको प्रक्रिया अगाडी बढाउन पर्ने देखीएको छ ।

0

सम्बन्धित् समाचारहरु

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy