१६ माघ-
जयपृथ्वी राजमार्ग अन्तर्गत बैतडीको सुर्नया गाउँपालिका ७ बाझँपानीमा आज बिहान जीप दुर्घटना हुँदा ३ जना घाईते भएका छन् ।
घाईते हुनेहरुमा जीप चालक कृष्णपुर २ कञ्चनपुरका ३० बर्षिय महेश भट्ट, गौरीगंगा नगरपालिका ३ कैलालीका ४० बर्षिय वीर वहादुर चौधरी र उहाँकी ३५ बर्षिया श्रीमती सुन कुमारी चौधरी रहेका जिल्ला प्रहरी कार्यालय बैतडीका प्रहरी नायव उपरिक्षक हेरम्व शर्माले जानकारी दिनुभयो । घाईतै तीनै जनाको बैतडीमा उपचार हुन नसकेपछी थप उपचारका लागी सुदूरपश्चिम उप–क्षेत्रिय अस्पताल डडेल्धुरा लगिएको छ ।
धनगढीवाट बझाङ जादै गरेको बा १६ च ८८६५ नं.को जीप आज बिहान ८ बजेर ४५ मिनेटमा खोडपे–बझाङ सडकखण्डको बाझँपानीमा दुर्घटनामा परेको हो । बिहानको समयमा सडकमा तुसारो जमेकाले जीप चिप्लीएर दुर्घटना हुन पुगेको प्रहरीले जनाएको छ । जीप सडकवाट ३० मिटर तल खसेको छ ।
