बैतडी, भाद्र २९, २०७५ ।
सडक दुर्घटनामा परी मलेसियामा आज एक नेपालीको मृत्यु भएको छ ।
मृत्यु हुनेमा बझांगको केदारस्युँ गाउँपालिका ५ बाझका ३० बर्षीय मान बहादुर बोहरा रहेका छन् ।
कोठाबाट कामका लागी कम्पनीतिर गईरहेका बेला जोहोरबारुमा सडक पार गर्ने क्रममा ट्याक्सीले ठक्कर दिएको हो ।
ट्याक्सीले ठक्कर दिएर गम्भीर भएका बोहराको उपचारका क्रममा आज बिहान ७ बजे एक स्थानीय अस्पतालमा मृत्यु भएको मलेसियावाट बैतडीको सुर्नया गाउँपालिका घर भएका रमेश साउँदले जानकारी दिए ।
बोहरा बिगत ७ बर्षदेखि मलेसियाको सिनामो (सोफा)कम्पनीमा कार्यरत रहेका थिए। मृतक बोहराको शव नेपाल ल्याउने तयारी भएको छ ।
मलेसियामा सडक पार गर्नेक्रममा धेरै नेपालीले अकालमै ज्यान गुमाउननुपरेको छ ।
