36.7 C
Mahendranagar
Friday, March 29, 2024
spot_img

तालिबानद्वारा इदको बेला युद्धविराम घोषणा

काठमाडौं, जेठ २७

तालिबानले इद पर्वका लागि भन्दै अफगान सरकारी फौजसँग तीन दिनको युद्धविराम घोषणा गरेको छ। तर त्यो विदेशी फौजको हकमा लागु नहुने उसले जनाएको छ।

उक्त समूहले इदको छुट्टीको बेला सबै खालका आक्रमक कारबाही रोक्न आफ्नो लडाकुहरूलाई निर्देशन दिएको छ।

तर आफूमाथि आक्रमण भए आफ्नो प्रतिरक्षा गर्ने उसले जनाएको छ। अमेरिकाको नेतृत्वमा सन् २००१ मा अफगानिस्तानमा भएको सैनिक हस्तक्षेपपछि तालिबानले पहिलोपटक युद्धविरामका लागि सहमति जनाएको हो।

यसै साताको पूर्वार्द्धमा अफगान सरकारले एकतर्फी युद्धविराम घोषणा गरेको थियो।

अफगान राष्ट्रपति असरफ गनीले तालिबानको पछिल्लो कदम उक्त समूहका लागि ‘हिंसात्मक कामले जनताको मन नजितेको तर थप टाढा पुर्‍याएको’ भनेर मनन गर्ने मौका भएको टिप्पणी गरेका छन्।

सरकारी फौजले इस्लामिक स्टेट समूहविरुद्धको कारबाही भने नरोकिने जनाएको छ। तालिबानको युद्धविराम कुन दिन थालनी हुन्छ भन्ने प्रष्ट छैन किनकी चन्द्रमा देखिएपछि इद सुरु हुन्छ।

तथापि रमादान अन्त्य हुने दिन भनेर अफगान पात्रोमा जुन १५ उल्लेख छ।

Related Articles

Stay Connected

9,653प्रशंसकजस्तै
43अनुयायीहरूलाईपालन
69अनुयायीहरूलाईपालन
0सब्स्क्राइबरसब्स्क्राइब
- Advertisement -spot_img

Latest Articles