सुदूरपश्चिमेली नेपाली समाज भारतको प्रथम महादिवेशन बैशाख १२ गते हुने, मुख्यमन्त्री भट्ट द्वारा उद्घाटन

द्वारा : सुदुर न्युज
0

नागेन्द्र जोशि, नयाँ दिल्ली, ८ बैसाख ।

सुदूरपश्चिमेली नेपाली समाज भारतको प्रथम महादिवेशन यहि बैशाख १२ गते धनगढीमा हुने भएको छ।

सुदूरपश्चिमेली नेपाली समाज भारतले शनिवार धनगढीमा पत्रकार सम्मेलनको आयोजना गर्दै प्रथम महादिवेशन बारे जानकारी दिएको हो।

समाजको तदर्थ समितिका संयोजक दीपक मल्लले धनगढीको ओम प्यालेसमा हुने महादिवेशन समारोहको प्रदेश नम्बर ७ का मुख्यमन्त्री त्रिलोचन भट्टले उद्घाटन गर्ने कार्यक्रम रहेको बताए।

महादिवेशनमा भारतमा रोजगारी गर्दै आएका करिब २ सय जनाको उपस्थिती रहने विश्वास लिइएको छ।

प्रदेश नम्बर ७ घर भई भारतका विभिन्न स्थानमा रोजगारी गर्दै आएका युवाहरु दीपक मल्ल, करन कठायत, मोहनविर साँवद, परमानन्द साँवद, दीपक खडका लगायतको अगुवाइमा सुदूरपश्चिमेली नेपाली समाज भारतको गठन गरिएको हो।

भारतमा रहेका सुदूरपश्चिमेली मजदुरको हक हितका साथै यहाँको विकास र उन्नतीमा सहयोग गर्ने समाजको मुख्य उदेश्य रहेको छ।

0

सम्बन्धित् समाचारहरु

टिप्पणी गर्नुहोस

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy