36.7 C
Mahendranagar
Friday, March 29, 2024
spot_img

महाशिवरात्रीमा बैतडीको पत्तालभुमेश्वरमा सांस्कृतिक कार्यक्रम

बैतडी,२५ माघ-
बैतडीको सुर्नया गाउँपालिका २ मा अवस्थित प्रसिद्ध धार्मिक तथा पर्यटकिय क्षेत्र पत्तालभुमेश्वरमा महाशिवरात्रीको अवसरमा सांस्कृतिक कार्यक्रम गरिने भएको छ । “भाषा कला धर्म र संस्कृतिको संरक्षण गरौं, सबै मिलि पत्ताल भुमेश्वर पर्यटकिय क्षेत्रको विकास गरौं” भन्ने मूल नाराका साथ पत्ताल भुमेश्वर युवा जागरण मञ्च (प्रवासी) र पत्ताल भुमेश्वर मेला व्यवस्थापन समितिको आयोजनामा अगामी फागुन १ गते सांस्कृतिक मेलाको आयोजना गरिएको हो ।

कार्यक्रममा लोक डेउडा गायक भानुभक्त जोशी, माधव विष्ट(कैलाश), महेश विरही,सौगात ओझा लगायतका कलाकारको बेजोड प्रस्तुती रहने भएको छ ।

धार्मिक तथा पर्यटकिय क्षेत्र पत्तालभुमेश्वरको विकास तथा प्रचारप्रसार गरी यस क्षेत्रलाई राष्ट्रिय तथा अन्र्तराष्ट्रिय क्षेत्रमा चिनाउनको लागी सांस्कृतिक मेलाको आयोजना गरिएको पत्ताल भुमेश्वर युवा जागरण मञ्च (प्रवासी)का सहकोषाध्यक्ष वीर बहादुर विष्टले जानकारी दिनुभयो ।

यसका साथै फागुन १ गते महाशिवरात्री अवसरमा प्रवासमा रहेका युवाले आर्थिक संकलन गरी निर्माण गरिएको पत्तालभुमेश्वर मूल प्रवेशद्वार उद्घाटन गर्ने कार्यक्रम रहेको छ । मेलामा उपस्थित भईदिनहुन भक्तालुजन, समाजसेवी , बुद्धिजिवी लगायत सम्पुर्णमा आग्रह गरेको छ ।

महाशिवरात्रीको अवसरमा आयोजना गरिएको उक्त सांस्कृतिक कार्यक्रमको अवधीभर मदिरा सेवन तथा बिक्रीवितरण पुर्ण रुपमा रोक लगाएको मेला व्यवस्थापन समितिका अध्यक्ष नरेन्द्र विष्टले जानकारी दिनुभयो ।

Related Articles

Stay Connected

9,653प्रशंसकजस्तै
43अनुयायीहरूलाईपालन
69अनुयायीहरूलाईपालन
0सब्स्क्राइबरसब्स्क्राइब
- Advertisement -spot_img

Latest Articles